A jun tx’an un yin b’ehal tzet chi yun k’uhlayaj q’anub’al jichmamej ti’, tol max tz’ib’ib’ilay aj b’ay heb’ ajkaw ajb’ab’el konob’ tol yochwan chi txekloj aj sq’anub’al yullaq ch’en k’exk’ex ch’en, kaxk’al k’am tojb’al, ma b’ay man tz’aqanoq mak chi q’anoni. Max kawxi aj yin txolilal mulnajil K’uhanb’al k’al tayneb’al q’anub’al mayab’, yet watx’ chi yun pojlay el juntzan watx’ nab’alej k’al juntzan yob’ yet watx’ chi yun yihon sb’a mulnajil yin aymanil k’al yin junejal yib’antoq koti’ k’al txolilal komulnajil.

Jun tx’an unej ti’, hoq tx’ox tx’an txolil yib’antoq junjun tuq’anil mitx’q’ab’ej chi q’anlay yin watx’il, axka tzet utb’il, ma b’ay hoq q’anlay yin q’ajon q’anej. Jun watx’jayub’al b’ay komasanil, yujtol xiwil heb’ huxhtaq ma heb’ hanab’ lanan kolwaj yin junjun q’anub’al yet saychaj tzet chi yun kawxiaj mitx’q’ab’ej yul tx’oq tx’oq ti’ej yullaq ch’en k’exk’ex ch’en.