YAB'IXAL
“I love that it is an open-source community effort. This is an unbelievably valuable resource and I’m so excited to be a part of “Watx’ chi wab’e’ tol b’eqan eltoq xol konob’. Miman yelapnoq b’ay heb’ hoq q’anon yin smitx’q’ab’oq kax chin tzaloji yuj tol lanan hin kolwaj ok yin.”.”
“Watx’ chi wab’e’ tol b’eqan eltoq xol konob’. Miman yelapnoq b’ay heb’ hoq q’anon yin smitx’q’ab’oq kax chin tzaloji yuj tol lanan hin kolwaj ok yin.”
Tx’oxb’anil
Max tz’unchaj Wajmulnajil k’uhanb’al k’al tayneb’al q’anub’al mayab’ yuj swatx’ilal heb’ konob’ tol ay kawxinaqil yin q’anej tol k’am chi uj yuj mawal axka heb’ chi yintaqlayne’ el yuj tx’otx’ miman konob’ Estados Unidos. Jun mulnajil ti, tol a hoq tx’oxon el jantaq q’anub’al chi allay yuj konob’ Mayab’ yet watx’ chi yun yihon yib’ k’al tzet hoq yun yok yin txolil yet hoq ajkan sb’isil yuj heb’ chi q’anon q’anej yullaq yatutal kuyoj k’al b’ay junoqxa maqanil mulnajil.
A yatutal ti’ej MasterWord chi sayon b’aytal hoq k’uhlay jantaq q’anej yet watx’ sub’oj yun yilchaji kax tol hoq txekloj nab’alej b’ay heb’ konob’ ipan k’uyon q’anej. Max kawxi b’aytal hoq ilchaj aj junjun tuqan q’anej chi q’anlay sataqtoq yajaw k’al b’ay chi illay ek’om. Yowalil tol ha heb’ ajkaw ajkonob’ Mayab’ hoq mulnaj yib’antoq jun mulnajil ti yet watx’ akaw heb’ hoq yib’tz’en aj heb’ yib’al, yaxilal xe’ ti’ej ichmamej. Mawal axka heb’ tolto chi ek’ol b’ay tx’otx’ najat konob’ Estados Unidos ma jantaq maktxel tol ay kuyoj yin q’anej k’al heb’ tol lanan kuyon junoq q’anub’al Mayab’, tol hoq tz’aqloq mulnajwom yin masanil, yamita yul smaqb’ej tx’otx’ Estados Unidos ma tx’otx’ konob’ Xe’q’aq’, tol hoq txekloj aj masanil 20 tuq’anil ti’ej chi allay yul tx’otx’ konob’ Xe’q’aq’ kax tol yetok heb’ ajkaw ajkonob’ Mayab’. Yet lanan toq ch’ib’ jun komulnajil ti, lananxa nanon konab’al yin tzetoq yun yok tz’aqil axka mimeq q’anej chi q’anlay yuj heb’ cham mimej yajaw k’al b’ay illay ek’om yetoq k’apax q’anej chi q’anlay yullaq ch’en k’exk’ex ch’en, k’al b’ay chi k’uhlay tumin, yetoq b’ay yatutal kuyoj.
Yochwan komulnajil
A Tayneb’al k’al K’uhanb’al Q’anub’al Mayab’ max tz’unchaji yuj jantaq maktxel chi ilchaj b’ay tx’otx’ Xe’q’aq’ k’al b’ay sk’akpakil tx’otx’ najat konob’ tol lanan yahon heb’ skolwal yin watx’nen aj mitx’q’ab’ej b’ay konob’al Mayab’. Ipan tonwal yok mulnajil yetoq heb’ cham itz’at nab’al yin skuyojal b’eyb’alej, q’anej, k’al maktxel jelan yin ch’en k’exk’ex ch’en yet watx’ chi yun kolchaj payxataxil nab’alej. Jun mulnajil ti’, tol hoq yi’ yib’
nan xol heb’ ojtaqnej q’anej k’al maktxel tol ay yochwan sk’ul tol hoq yiptzej aj yaxial pixan tx’oq tx’oq q’anub’al chi ilchaj b’ay tx’otx’
Xe’q’aq’. Yul koq’ab’ ayok sq’inal, skawil kob’eyb’al, yujtu xin, chi ok jun awte’b’al b’ay maktxel chi yochej chi kolwaj yahon sb’eqanil yiptzej aj icham nab’alej yet konob’ Mayab’.
Yowalil hoq lajanb’i masanil b’ay anima yujtol lajan yok’b’anil junoq ti’ej axka yok’ob’al maktxel. A Wajmulnajil k’uhanb’al k’al tayneb’al q’anub’al mayab’ chi yaltoq yet yin. Yin komasanil tol maneqna yin q’anej chi komulnaj yin palta tol hoq jiltoq b’eyomal kob’eyb’al. Hoq komulnaj yib’antoq b’aytal lanan yilon yayilal ma kawxinaqil heb’ ajkonob’ yuj k’am chi uj q’anej yuj heb’. Yowalil tol chi uj yalon yet yetoq st’i, chi uj kuyoni, chi uj tz’ib’li yul sq’anej axka yul snab’al yin b’eqanil. Yelxak’al yali palta jojtaqxa tol ek’b’anxa 500 ab’il b’aytal max koli yuchlay lajwoq snab’al heb’ cham komam jichmam yuj xiwilal, kamich, k’al owal. Yet max jayok heb’ cham kaxhlan winaq koxol, pilan wal max yun jantaq b’eyb’alej yuj heb’ cham. Yili’ k’altaq, max ok mimej b’ilk’ulal, k’usil yin sk’amichal koq’anej k’al kob’eyb’al yet juntzan k’uhalil tu’. Yujwal jun ti, xan man b’ejanoq kok’ul hoq jilon yayilal juneloqxa yib’antoq konob’al Mayab’. Tol hoq yiq yib’ kaxoq xumkli yin skayelal. Yul tol maneq k’al yet payxatu chi q’anlay juntzan q’anub’al Mayab’ ti. Koq’anub’al, koq’anej, k’al kob’eyb’al tol ikis wal yetoq masanil ipej k’al yaxilal nan xol konob’ kax ha hoq ch’ib’ yin mitx’q’ab’ej ayon yin junoq mimeq iqeb’ej.