A u’j tib’aj tb’eyil ttxolal aq’untl kyi’j yol toj tpaq’anil ma kub’ ttz’ib’an kye qunaqil e n-chi aq’unan tu’n tex pa’x kyol twitz tx’otx’, tla kpwaq te onb’ilke ti’j, tlaqe xjal onilke toj tnum maqa to jun plajtl. Qiq’imil tzu ju nab’l ti’j aq’untl xi tb’inchan Maq aq’untl tib’aj tchwinqlal yol twitz Paxil te xlqe ti’j taq’un, ntzaj ttx’olb’an qe ti b’an se’l yal to tb’e ikx kyi’ tixti ẍi kub’ to tb’e ikx se’n min ẍi kub’a numja to kb’e, in tzaj kyq’on jun nab’l lu tu’n mi kub’a numjaya ti’j taq’una ti’baj yol ikx tu’n tjyona ti’j txqantl tumel.

A u’j xkub’ tz’ib’an tib’aj tb’eyil ttxolal aq’untl chab’a n-tzaj tchik’b’an junjun tumel, n-tzaj tq’on jun yek’b’il axix nya to nab’len, ikx jun k’loj ttxolal tz’ib’an to u’j tu’n mi tzik’a tnala jun tumel aj tkub’ tb’inchana jun aq’untl tuky’il tzun jun aq’unb’il in tzal tq’on te onb’il tu’n tok tpeya ti’j ttxolal, ikx ok kb’antel tch’ixpuj yol tuna alqexku amb’il maqa aj tametya. N-tzaj tq’on jun txo’kb’il qe tu’n qaqunan junx, ikx in tzaj tq’uqb’an qk’uj qa nya qyunal in qo laq ti aq’untl teqe te onilteya a ikx teqe txqantl xjal n-chi onin tu’n tok toklen qyol ikx tu’n tex pa’x twitz tx’otx’.