XNAQ’TZB’IL

A Maq Aq’untl tib’aj Tchwinqlal Yol Mayas a’ n-tjyon tu’n txi xq’uqit ikx tu’n txi qet ojtzqi qe yol Mayas. In tb’inchan jun pujb’il yol en línea b’an tu’n tajb’en tu’n alqexku xjal ikx tu’n tonin ti’j tu’n taq’unet, ikx in chi onin jun k’loj wnaq a kxnaq’tzb’il tib’aj tecnológia, a maq aq’untl tajb’il tu’n txi q’et kye xjal jun aq’unb’il toj ky-yol tu’n tzun mlay chi kyaja ti’j kxnaq’tzb’il digital ikx tu’n txi qet jun tqanil tb’anel kye tib’aj xnaq’tzb’il, q’anb’il tuk’el kawb’il.

N-xi qqo’ne txokb’il kye ajxnaq’tzanjtz tu’n ktzaj lq’e onil ti’j maq aq’untl qun a jun aq’untl lo’n tb’anelxix ikx ok k’ajb’el kye xjal toj tnum kye indígenas ikx kye xjal teqe toj Estados Unidos .

Qa xi najliqeya ajxnaq’tzal Houston, TX, ok chi kxel aq’unal toj ja, ja in aq’uneta aq’untl, qatzqa nya tzun najliqeya Houston b’an tu’n kyaq’unan axtzun k-ja maqa ja taqeya . Qa ajxnaq’tzala te secundaria ok k’aq’unala 10 or toj sman, qa tzun qa ajxnaq’tzala te universidad, ok k’aq’unala 20 or toj sman . Aju aq’untl lo’n lay txi tchjo’n t-xnaq’tzb’ila te ja te xnaq’tzb’il. Ikx ilti’j tu’n tten jun tu’jya ja in tmana qa b’an tu’n taq’unana toj Estados Unidos. Qa ajxnaq’tzanjtzya te juntl tnum ikx tzun a ti tu’jya te (CPT), b’an tu’n tzaj txoko’na qeye. Maqa qa ajxnaq’tzanjtzya te juntl tnum ikx tzun a ti tu’jya te (OPT), ikx b’an tu’n tzaj txokona qeye.