Xk'anjel aj Tenq'anel

Li K’anjel re Kolok Ix Atinob’aal aj Mayab’ nak’anjelak re xkolb’al rix jo’wi’ xupktasinkileb’ li junjunq chi raatinob’aaleb’ aj mayab’. Rik’in xyoob’ankil jun molob’aal aatin sa’ komonil ut li k’anjlen nab’aanuman rik’ineb’ li qech’ aj k’anjel re ak’ tzolok, li qa k’anjel naxsik’ chi xwaklisinkileb’ chixjunileb’ li xteepalil aj mayab’ rik’in xk’eeb’al jun na’ajej b’arwi’ nakoru chi okenk rik’in li ak’ tzolok ut chi xyech’i’inkil te’xnaw xk’ulub’eb’ aj aatinob’aal mayab’ rik’in li na’leb’ sa’ tzoleb’aal, sa’ raqleb’aal chaqrab’, ut sa’ li b’anleb’aal.

Yooko chi b’oqok reheb’ li poyanam li te’raj chi k’anjelak jo’ aj tenq’anel re te’tz’aamank rokikeb’ sa’ qayanq re tatruq chi xb’aanunkil jun k’anjel q’axal taatenq’anq reheb’ li xteepalil laj ralch’och’ ut chixjunileb’ li teep li nake’reek’a naq sachsokeb’ aran EE.UU.

Naru chi k’anjelak jo’ aj tenq’anel arin Houston re TX cho’q reheb’ li wankeb’ Houston, TX ut sa’ ululch’iich’ cho’q reheb’ li wankeb’ chi jalan tenamit sa’ najtil. Li k’anjel jo’ aj tenq’anel naxkanab’eb’ li wankeb’ sa’ tzoleb’aal re saaj poyanam chi k’anjelak 10 hoor rajlal xamaan ut 20 hoor reheb’ li wankeb’ sa’ nimla tzoleb’aal. Ajel ru cho’q re li k’anjel a’in chi xk’ulb’al xhuhil chi k’anjelak sa’ li tenamit EE.UU. Tehto li k’anjel a’in cho’q reheb’ li nake’xsik’ CPT jo’keb’wi’ li OPT.