Li Molam MasterWord a’an moko k’aj ta wi jun aj jolominel chiruchichoch re xyech’i’inkil tenq’ reheb’ k’ila aatinob’aal. Numenaq lajeeb’ xk’akaal chihab’ wanjenaqo rochb’eeneb’ laj tenq’ahom k’aleb’aal, k’ila molam aj tenq’anel (ONG), eb’ li b’anleb’aal, tzoleb’aal chi xyech’i’inkil k’ila tenq re x’xaqab’ankil li na’leb’ naq chixjunileb’ li poyanam nake’xk’ul xtenq’ankil sa’ tz’aqal raatinul ut naq maajunaq taxaq na’kanaa chi ixb’ej. Okejenaq li MasterWord rik’in li Xlajeej Chihab’ul li Raatinob’aal Aj Ralch’och’ Re UNESCO. Chalen chaq wanjenaqo chi xtenq’ankileb’ li nake’xkol rix k’aruhaq aatinob’aal yalaq b’ar re xk’ojob’ankil xjuntaq’eetalil chixjunileb’ li aatinob’aal.

Usta li k’anjel a’in xaqab’anb’il xb’aan MastwerWord, a’ yal jo’ na’ajman chi xtojb’al xtz’aq li qab’aanuhom, K’ojob’anb’il ut yoob’anb’il xb’aaneb’ li k’ila k’aleb’aal k’ila tenamit aj Mayab’ li yookeb’ chi okenk hulajhulaj qochb’een re xk’amb’al chaq li raatinob’aal sa’ mu esil ut ak’ tzolom. Li qank’anjel na’jolomiman xb’aaneb’ Aj Ralch’och’ cho’q ajwi’ reheb’ Aj Ralch’och’. Naqapaab’ naq li xtz’aqob’resihom li k’anjel a’in naru chi xk’utb’al li chaab’il b’e cho’q reheb’ li te’raj chi kolok rix li raatinob’aaleb yalaq b’ar chi ruchichoch re naq sa’ jun kutan chalel nujenaq li raatinob’aaleb’ Aj Ralch’och’ sa’ mu esil ut sa’eb’ li xch’iichul ak’ tzolom.

Laj Jolominel MasterWord, Qana’ Ludmila Golovine ki’ok chi sahok sa’ xch’ool chi xtzolb’al chirixeb’ li aatinob’aal Mayab’, a’ li najet aatinob’aal jo’wi’ li wankeb’ anaqwan, rik’in li x’xe’toonil poyanam. A’am li reechalal junaq nimla tzolonel li kixk;e rib’ chi xtzolb’aleb’ li reetalil aatin aj Mayab’ najter q’e kutank. Li qawa’chin Laj Yuri Knorozov xk’ab’a’ a’ winq a’an.Qana’ Ludmila naxchap ajwi’ li na’leb’ a’in xb’aan naq naroxloq’oni li kolok ix aatinob’aal jo’wi rak’ob’resinkil aatinob’aaal xmaak li k’anjel kilajxb’aanu qawa’ Yuri, li rikan. Li xk’anjel Laj Yuri ki’xyoob’ jun li na’leb’ b’arwi eb’ aj tzolo re reetalil tz’iib’ aj Mayab’ ke’ok chi rilb’al chi ak’il ut ke’ruhan chi xyoob’ankil chanru kilaj’ab’iman li raatinul chanru kilaje’aatinak najetr q’e kutank. K’ojob’anb’il xk’ab’a li xnawb’al ut li xtzolb’al a’an rik’in xk’amb’al li b’e re li qanawom anaqwan chirixeb’ li xe’toonil poyanam ut li raatinob’aaleb’. “Nawaj raj chi rilb’al chixjunileb’ li raatinob’aal Mayab’ naq te’oq chi ninqank chi kanaak chi junelik re naq maajo’q’e taxaq te’sachq. Jo’kan ninye naq nawaj chi rilb’al juntaq’eetalil xyanqeb’ li aatinob’aal junjuunq yalaq b’ar nake’ab’iman wi’ ut naq wanq taxaq xna’aj sa’ mu esil jo’wi’ chixjunileb’ xch’iich’ul ak’ tzolom re naq tz’aqalaq raj te’ruhanq chi xtz’aqob’resinkil li k’anjel re okenk chi tzolok ut chi xk’ulb’al xna’ajeb’ chi k’anjelak ut xkawresinkil rib’eb’ chi xchaab’ilob’resinkil xyu’ameb’ ut chi elk sa’ li xch’a’ajkilaleb’ re neb’ahil’.”