Utz kipetik ri k’ak’ tijoxelab’

Pa ri uwuq q’ij re waqib’ ik re ri junab’ 2024, ri chakulel chre ri uchajixik ri ki ch’ab’al ri aj Mayab’ xu’ k’ulaj ri nab’e jutz’ob’ tijoxelab’! Sib’alaj kojki’kotik chi ke’ chakun quk’. Are junpuq’ k’ojol/q’apoj tijoxelab’ re ukab’ tijonik ka’ pa ri uwi’ tijonik. Ek’o tijoxelab’ ri kki nuk’ kib’ quk’ ri ke’ pe pa elb’al q’ij plow k’a pa uqajb’al q’ij plow, konojel lo xe’ pe pa ri Ecuela de Informatica Kahlert re ri nimatijob’al re Utah. Jun chke ri nab’e ki chak are’ ri usik’ixik jalajoj taq ch’aqap re ri wuj Alam pa Kik’ xuquje’ Q’aq’, re John Charles Chasteen, re ri John Charles Chasteen, xuquje’ xki ka’yej Cuando tiemblan las montañas, ri k’amom ube’ rumal ri Pamela Yates.

Jas ne’ jun aj jachol chak re we jun chakulel, xin wilo chi rajawxik ujachik uwachib’al ri k’aslemam tzij pa uwi’ ri Ab’ya Yala xuquje’, ri qas ukolomal, pa uwi’ Ri Unik’ijil Sepk’ija’al xuquje’ ri Paxil Kayala’. Are kin tzijoj uwach ri Diarios de la Princesa 2: Un Compromiso Real, “Jas uk’amik ub’e ri tinamit, we man eta’matal ta uwach ri tinamit”. Pa ri junam ub’eal, kin waj chi le qa tijoxelab’ kk’oje pa ki no’j jun kowilaj tijonik xuquje’ jun utzalaj eta’manik pa ki wi’ ri winaq, ch’ab’al, b’antajikil xuquje’ taq b’anikil ri ku no’jisaj ri utikb’alil we jun chakulel. Xa b’a kin k’ex jutz’it we tzij ri’, jas k’u ukuinem upatanixik ri tinamit we man aweta’am ta uwach ri tinamit. Aretaq le tijoxelab xki tz’aqatisaj ri usik’ixik uwowuj xuquje’ ri tzij pa wachib’al, chiki jujunal ri tijoxelab’ xki tz’ib’aj jun chomanik no’j’ pa uwi’ ri xkilo.