LI QEECH AJ K'ANJEL SA' KOMONIL
AJ PUKTASINEL CHOLSAMAJ
+502 2230 3301
5A Calle 0-47, Ciudad de Guatemala, Guatemala
Laa’o li molam aj puktasinel Cholsamaj, jun molam li nak’anjelak re xkawub’resinkil li qayu’am arin Iximch’och’. Li xak’ab’a’ li qamolam nayola chi aatinob’aal Kaqchikel: Chol naraj naxye “tustuu”, Samaj naraj naxye “k’anjel,” sa’ kiib’al nalajxk’ut li qajom re xkawresinkil jo’wi’ xtustusinkil chi xjunil li xnawom aj mayab’. Chalen chaq 1,990, yooko chi xyoob’ankil k’iila k’anjelob’aal re tzolom re xk’utb’al chi tz’aqal re ru li xnimla ch’ina’usilal li xnawom li xb’aanuhom laj mayab’ jo’wi’ chaab’ilob’resinkil qaloq’al qib’ chi qib’il qib’ sa’ qayanq laa’o li k’iila poyanam yalaq b’ar sa’ qach’ochel.
Naqak’e qib’ chi xpuktasinkileb’ junjunq li tasal hu tz’iib’anb’ileb’ xb’aaneb’ laj tz’iib’anel mayab’ jo’wi’ anihaq aj tz’iib’anel li nake’xk’a’uxla ut nake’xtz’il rix li xwanjikeb’, raatinob’aaleb’, ut xk’a’uxleb’ li poyanam yalaq b’ar. Wank qik’in numenaq 350 li tasal hu tz’iib’anb’ileb’ qab’aan ut qajunajihom qib’ rik’ineb’ naab’aleb’ li molam chi qastuma ut sa’ najtil tenamit. Nakook’anjelak ajwi’ re xyoob’ankil reetalil ak’ tzolom jo’wi’ risinkil reeqajeb’ li hu, junelik rik’in xk’a’uxlankil xkolb’al rix ut xnumsinkil li xnawomeb’ li qaxe’qatoonil poyanam.
Naaqapaab’ naq xk’eeb’al xloq’al li xwanjikeb’ chi xjunil li poyanam a’an jun na’leb’ li nakawob’resink qe re xchaab’ilob’resinkil li qayu’am re toowanq sa’ juntaq’eetalil sa’ xb’een li ruchich’och’. Li xk’ojalil li qak’anjel a’an li xk’eeb’al loq’al, juntaq’eetalil, ut xjultikankil chi junelik qe kutan li xwanjikeb’ laj ralch’och’. Naqoksi li ak’ tzolom re xkawub’resinkil li qak’anejl reheb’ laj tzolonel ut xyoob’ankileb’ k’illa na’ajej reheb’ ;li poyanam chi aatinak ut okenk sa’ li awab’ejilal naq nakayoob’ank re jun yu’amej chi ub’ej cho’q reheb’ li usilal’, li tzolok, ut xnumsinkileb’ li qanawon qab’aanuhom.
XMOLAMIL AK' TZOLOM KA' AATINOB'AAL
Alta Verapaz, Guatemala – Q'eqchi' ut Kastiiy qeech aj k'anjel
Laa’o wanko chi xb’eeresinkil jun tzoleb’aal re, li ak’ tzolom chixjunil, aatinob’aal, ka’pak’al na’leb’ re poyanam, tusbilo,, re xk’eeb’aleb’ xnawomeb’ laj tzolonel chi okenk sa’ jun chaab’il tzoleb’aal. Eb’ aj k’utunel sa’ qatzoleb’aal nake’k’anjelak rik’ineb’ aj tzolonel re; xchaab’ilob’resinkil li xyu’ameb’ rik’ineb’ li k’ojob’anb’il chi chaab’il, naqak’e xloq’al li qaatinob’aal jo’keb’wi li raatinob’aal chixjunileb’ li qas qiitz’in ut naqak’e qib’ chi roxloq’inkil li qach’och’ li qasutamil re naq too’wanq sa’ xyaalalil. Noko’tawliman sa’ ti tenamit San Miguel, Tucurú, ruq’ tenamit Alta Verapaz.
Li Tzoleb’aal Ak’ Tzolom Wiib’aatinob’aal Ki’k’ojob’aak sa’ waqxaqlaju *18) xb’e li po Eneer, 2,021 rub’etaal Xchaq’rab’il Ruq’ Tenamit – AC No. 50-2021, k’ulub’anb’il xb’aan li Xmolamil Tzolom Alta Verapaz. Nako’tawliman sa’ raq b’e La Vega, xweentil Tucurú, Alta Verapaz. Sa’ li qanimla tenamit, jun reheb’ li qanimla ch’a’ajkilal naqil a’an li neb’ahil wankeb’ wi li poyanam li moko na’kanab’ank reheb’ chi xchaab’ilob’resinkil xyu’ameb’ sa’ komonil chi moko xjunees re tzolok maraj chi xk’ulb’al qatzolb’al a’ yal jo’ k’ojob’anb’il yalaq b’ar. Xb’aan naq sa’ li kutan wanko wi’ anaqwan, maak’a’ qatenq’ankil re xk’ulb’al li ak’ tzolom li aje’ li ru. Chi jo’kan, teneb’anb’il sa’ qab’een chi jalak ut xjalb’al chan ta wi ru naqak’a’uxla li tzolok. Eb’ laj k’utunel qe kawresinb’ileb’ re xk’utb’al chiruheb’ aj tzolonel li ilok ru hu li tz’iib’aak sa’ xkach’inaleb’ re xkawresinkileb’ chi xchapb’al chik li ak’ tzolom moqon. Naab’aleb’ aj k’utunel qe nake’k’anjelak chi maak’a’ xtojb’aleb’ rajlal po; ab’an, nake’xb’aanu ninqi k’anjel oxloq’inb’il qab’aan. A’ li Qayeehom naxye kama’in: Tzoleb’aal Wiib’aatinob’aal Ak’ Tzolom “Jalan li Qab’e.”
Nake’kawo’ qach’ool chi k’anjelak sa’ komonil rik’in Li K’anjel re Tzolok Ix Aatinob’aal Mayab’ re x’xaqab’ankil xk’ulub’eb’ li qaatinob’aal yalaq b’ar yalaq jo’q’e chi yu’amink jo’wi tzolok. K’eekookeb’ li qach’ool re xkolb’al rixeb’ li aatinob’aal Mayab’ rik’in li Tzolom Na’k’utman sa’ Tenamitil jo’wi’ rik’ineb’ li tzoleb’aal junjuunq li nake’x’xaqab’eb’ xkomon li k’anjel a’in, re xkawob’resinkileb’ xch’ool chixjunileb’ aj tzolonel chi aatinak sa’ wiib’ aatinob’aal sa’ xyu’ameb’ sa’ xk’anjeleb’ naq te’xtzol junaq aatinob’aal Mayab’. A’ li aatinob’aal Mayab’ noko’aatinak wi’, a’an li Q’eqchi’ ut Poqomchi’
LI TZOLOM AATINOB'AAL MAYA POQOMAM
Laa’o naqak’e qib’ chi xkawub’resinkil ut chi rak’ob’resnkil li aatinob’aal Maya Poqomam. Chalen 2,014, kiyoob’aman jun k’anjel re xnumsinkil xnawom li aatinob’aal Poqomam sa’ li na’ajej facebook Tzolom li Aatinob’aal Poqomam xk’ab’a’. A’ na’ajej a’an nakooxkanab’ sa’ komonil chi xwotzb’al qab’ich, eb’ li qatasal hu, jo’wi’ li qason, eb’ li ch’uch’b’, ut wan xkomon, jo’ xhapb’al xyaab’ li qakux ut xtz’iib’ankileb’ li qaatin re xk’utb’al ut xtzolb’al li aatinob’aal Poqomam. Li kook’ojob’aak ut kooxtenq’a li xb’aanuhom li xk’a’uxl laj k’utunel Jose Luis Conguache Coj, a’an jun laj k’utunel q’axal xnawom li kanab’anb’il chaq chi xyoob’ankil k’iila k’anjelob’aal re tzolom li natenq’ank reheb’ li poyanam li te’raj chi xtzolb’al aatinob’aal Poqomam sa’ eb’ li xmolamil tzoleb’aal.
Naqaj ajwi’ chi xk’eeb’al xloq’aleb’ jo’wi’ chi xb’anyoxinkil reheb’ chi xjunileb’ li poyanam li nake’oken chaq sa’ li xtzolom Poqomam ut xb’anyoxinkil reheb’ li k’iila poyanam li ke’xyoob’ li qatz’iib’ahom li toj najekiman qab’aan chi maajo’nimal. A’ li qajom naqak’a’uxla hulajhulaj, naq eb’ li qayoob’ahom te’oksimanq re xkawub’resinkil li qaatinob’aal jo’wi’ li xwanjikeb’ li poyanam laj Poqomam.